Кітапхана каталогы

Фаренгейт бойынша 451 градус» романы — сонау 1950 жылдары жазылған фантастикалық жанрдағы туынды. Америкалықтардың басым көпшілігі теледидардың не екенін білмеген кездің өзінде жазушы жаңа дәуір туатынын, ғаламды техниканың кереметі билеп, рухани байлықтың екінші орынға ығысатынын дәл болжаған еді. Рэй Брэдберидің бұл шығармасы болашаққа жасалған көріпкелдік деп бағаласақ, асыра айтқандық емес. Кітап көпшілік оқырман қауымға арналған

Америка жазушысы Уолтер Тевистің бұл романы шахмат ханшайымының шырғалаң тағдырын баяндайды. Тағдыр тәлкегімен сегіз жасында балалар үйіне түскен Бэт Хармон өз басының ауыр азабын екі жолмен жеңілдеткісі келеді. Оның бірі — шахмат үйрену болса, екіншісі — басқа балалармен қатар өзіне де берілетін жасыл таблетканы ішіп, ауыр мұңнан арылу. Көп ұзамай асқан дарындылығының арқасында АҚШ шахмат әлемінің биігіне көтеріледі. Өмірінің жаңа бетін ашуға қанша талпынса да, ішімдікке тәуелділігін жеңе алмайды. Дегенмен Бэт қиыншылықты жеңіп, өміріне төнген қауіптен дер кезінде арылады. Заманауи классика «Ферзі гамбиті» — данышпандық пен тәуелділіктің, жетістік пен құлдыраудың ғажайып көрінісі. Кітап көпшілік оқырманға арналған.

Кітаптағы зертханалық жұмыстардың мазмұны мен көлемі техника -технологиялық жоғарғы оқу орындарының кредиттік оқыту сағатына орай физиканың негізгі бөлімдерін қамтиды.