Каталог библиотеки

Шерхан Мұртазаның «Ай мен Айша» романына қазақ елінің тарихи мекендерінің бірі Жамбыл облысына қарасты Жуалы ауданының Мыңбұлақ ауылында туып-өскен Барсхан деген баланың өмірі арқау болған. Ал шығармадағы негізгі кейіпкер — Барсханның анасы Айша. Күйеуі Мұртаза тұтқындалғаннан кейін үш баласымен қалып, колхоздастыру науқанының құрбаны болған Айша ана арсыздықпен арпалысып, балаларының болашағы үшін күреседі. Айшаға күш беретін — Жаратушы, ал оны жұбататын — аспандағы Ай. Автор Ай мен Айшаның арасында тамаша рухани байланыс орнатқан. Кітап көпшілік оқырманға арналған.

Қазақстанның халық жазушысы, Қазақстан Республикасының Абай атындағы мемлекеттік сыйлығының және А.А. Фадеев атындағы халықаралық сыйлықтың лауреаты Әзілхан Нұршайықов «Ақиқат пен аңыз» роман-диалогында Ұлы Отан соғысының даңқты қаһарманы, гвардия полковнигі Бауыржан Момышұлының сонау балауса шағынан бастап, аты аңызға айналған қолбасшы, атақты жазушы, алты алашқа ардақты ұлы перзент боп тұлғалануына дейінгі ұлағатты өмір жолын шынайы фактілер аясында қызғылықты баяндайды. Ұсынылып отырған нұсқасы — әйгілі шығарманың кеңестік қатал цензура кезінде қысқартылып, кітапқа кірмей қалған тараулары қайта қосылған, яғни толықтырылған басылымы.

Қазақстанның халық жазушысы, Қазақстан Республикасының Абай атындағы мемлекеттік сыйлығының және А.А. Фадеев атындағы халықаралық сыйлықтың лауреаты Әзілхан Нұршайықов «Ақиқат пен аңыз» роман-диалогында Ұлы Отан соғысының даңқты қаһарманы, гвардия полковнигі Бауыржан Момышұлының сонау балауса шағынан бастап, аты аңызға айналған қолбасшы, атақты жазушы, алты алашқа ардақты ұлы перзент боп тұлғалануына дейінгі ұлағатты өмір жолын шынайы фактілер аясында қызғылықты баяндайды. Ұсынылып отырған нұсқа — әйгілі шығарманың кеңестік қатал цензура кезінде қысқартылып, кітапқа кірмей қалған тараулары қайта қосылған, яғни толықтырылған басылымы.

Көшпенділер — Ілияс Есенберлиннің «Алмас қылыш», «Жанталас», «Қаһар» атты үш кітаптан тұратын тарихи эпопеясы. Бұл шығарма — қазақ сөз өнерінің әлемдік нұсқасына қосылған тарихты көркемдік пайымдаудың үздік үлгілерінің бірі. Трилогияның «Алмас қылыш» атты бірінші кітабында ХV-ХVІ ғасырлардағы Қазақ хандығының құрылуы, Дешті Қыпшақ ханы Әбілқайырдың кезінде қазақ руларының бірігіп, Қазақ хандығының қол астына топтасуы, бір жағы — Әбілқайыр, екінші жағы — Жәнібек, Керейлердің таққа, билікке таласы, хан ордасындағы шытырман оқиғалар баяндалған.