Кітапхана каталогы

«Асқақтық пен адасу» — ағылшын әдебиетінің шедеврі саналатын туынды. Алғаш рет 1813 жылы жарық көрген роман көпшілікке танылып үлгермеген Джейн Остеннің есімін ең танымал жазушылар қатарына қосты. Басты кейіпкерлер Элизабет Беннет пен Дарси мырзаның романтикалық махаббат хикаясына құрылған шығармада автор XIX ғасырдың басындағы ағылшын қоғамының тұрмысы мен әдет-ғұрпын астарлы ирониямен баяндайды. Бойжеткен бес қыз тәрбиелеп отырған қарапайым Беннеттер отбасының күнделікті тыныс-тіршілігі арқылы күллі ағылшын қоғамындағы оқиғалар көрініс тауып, әлеуметтік таптардың қарым-қатынасы сипатталады. Дегенмен ақсүйектер мен төменгі тап өкілдерінің арасындағы кереғар қайшылықтың өзі махаббат алдында дәрменсіздік танытады.

Хикаятта өгей шешеден көрген қысымы мен қатыгез әкенің қорлығына шыдамай үйінен қашып шыққан баланың басынан кешкен қиын тағдыры баяндалады. Жазушы жоқшылық пен кезбеліктің адамдарды қылмыс жасауға итермелейтінін көрсетеді. Джимнің бойындағы туабітті адалдығы мен шынайылығы оның өмір сүруіне тура келген қоршаған ортаның келеңсіз әсерімен күресуге итермелесе де, ол амалының жоқтығынан жаман жолға түсіп, ұрлық жасайды. Хикаяттың өне бойында шарасыздықтан шырғалаңға түскен баланың шытырман оқиғалары шынайы суреттеледі