Каталог библиотеки

«Дикая собака» — дебютный роман финского писателя Пекки Юнтти о поиске молодым человеком своего истинного предназначения. Девятнадцатилетний Саму вопреки желанию своего отца покидает шахтерский поселок и устраивается на работу в питомник хаски в Северной Финляндии. Так начинается его взросление — трудный путь, лежащий между «шахтой», с ее несвободой, социальными условностями и безвыходностью мертвящих стереотипов, и «кайрой» — миром нетронутых северных лесов, воплощением потерянного рая, средоточием всего настоящего, сердцевиной самой Жизни.

Ерік-жігер — біздің физикалық және психологиялық саулығымызға, қаржылық жағдайымызға, өзгелермен қарым-қатынасымызға тікелей әсер ететін фактор. Ерік-жігеріміздің әлсіздігінен шаруамызды ертеңге қалдырамыз, қаламаған тәттімізді жеп өкінеміз, артық ақша жұмсап қоямыз. Бұлай мезеттік ләззатқа бола өзімізден жеңілуді қалай тоқтатуға болады? Ерік-жігерді шыңдаудың жолы бар ма? Психолог-профессор Келли Макгонигал 10 жыл бойы ерік-жігер бойынша ашық курс жүргізді. Сондағы студенттердің нәтижесімен бөлісе отырып, өзімізге ұнамайтын әдеттен біржола құтылудың, салауатты өмір салтын ұстанудың, маңызды істі ертеңге қалдырмаудың, қарыздан құтылудың нақты қадамдарын ұсынады. Кітап көпшілік оқырман қауымға арналған.

Көшпенділер — Ілияс Есенберлиннің «Алмас қылыш», «Жан- талас», «Қаһар» атты үш кітаптан тұратын тарихи эпопеясы. Бұл шығарма — қазақ сөз өнерінің әлемдік нұсқасына қосылған тарихты көркемдік пайымдаудың үздік үлгілерінің бірі.

Роман соңғы жарты ғасырда әлем назарын өзіне жиі аударған Ауған елінің ашық та тұңғиық өмір шындығын, тыныс-тіршілігін боямасыз бейнелейді. Соғыс өрті толастамаған, қараңғылық пен надандық үстемдік құрған қоғамдағы адам тағдыры мен әйелдер өмірін, махаббаттың мұң-наласын айшықты тілмен анық жеткізеді. «Жарқыраған мың күн» әлемнің көптеген тілдеріне аударылып, оқырманның ыстық ықыласына бөленген. Алғашқы екі кітабымен автор 2008 жылғы «Әлемдегі ең ықпалды жүз тұлға» тізіміне енген.

Бұл кітапқа қазақтың аса талантты жырауы, әділ биі, жаужүрек батыры Жиембет Бортоғашұлының өмірі мен шығармашылығы арқау болған. Жырау өміріндегі елеулі сәттер деректі құжаттар негізінде көркем де айшықты тілмен тартысты өрнектелген. Есім хан арасындағы шиеленіс, жаугершілік кезең, айдаудағы азапты күндерді бастан кешкен Жиембет батырдың өнегелі өмірін үлгі тұтуды мақсат еткен кітап жалпы оқырман қауымға арналған.

Қазақстанның еңбек сіңірген қайраткері, Халықаралық «Алаш» сыйлығының иегері, жазушы Кәдірбек Сегізбайұлының өңделіп, толықтырылып жарық көріп отырған «Жол» романы өмірде болған бес жеткіншектің ғажайып сапары туралы сыр шертеді. Оқиға қос арнамен өрбиді. Бірі сол жеткіншектердің ауыр да алыс сапарын, ал екіншісі солардың біреуі Жұмаш Мұратхановтың елге оралғаннан кейінгі, ХХ ғасыр басындағы өмір шындығын қызықты баяндайды. Кітап көпшілік оқырманға арналған.

Сәкен Жүнісовтің қазақ прозасындағы орны ерекше, табысты туындыларының бірі — «Заманай мен Аманай» хикаятында ХХ ғасырдың 30-жылдарындағы халық ахуалы, тіршілігі көрініс береді. Ұжымдастыру уақытында жат мекен, өзге жерге қоныстанған қазақтардың сұрықсыз өмірі мен күйбең тірлігін суреттейтін, романның жүгін көтерген бұл хикаяттың өскелең ұрпаққа берері мол. Өзге мекенде күн кешіп, өзге бұлақтан су ішіп, өзге ауамен тыныстаса да, жүрегі туған жер деп соққан жандардың кіндік қаны тамған өлкені сағынуы, аңсауы оқырманның тұла бойын нәзік сезімге толтырып, ұлтын, Отанын сүюге үндейді.