14 қазан - Дүниежүзілік стандарттау күні.

14 қазан - дүниежүзілік стандарттау күні.Осы атаулы күнге орай университетіміздің ғылыми кітапханасында стандарттау саласының маңыздылығын насихаттауға арналған танымдық іс-шара мен кітап көрмесі ұйымдастырылды.

Іс-шара барысында Технологиялық факультеттің деканы Сафуани Жанар Есенқұлқызы құттықтау сөзін айтып, стандарттаудың қазіргі қоғамдағы маңызына тоқталды.Кездесу барысында кафедра меңгерушілері, оқытушылар мен студенттер өз ойларымен бөлісіп, стандарттаудың ғылым, білім беру және өндіріс салаларындағы рөлі туралы пікір алмасты.Ғылыми кітапхана қызметкерлері тақырыптық көрмеге шолу жасап, стандарттаудың қалыптасу тарихы мен даму кезеңдері туралы ақпарат ұсынды.Іс-шара студенттердің таным көкжиегін кеңейтіп, сапа мен стандарт талаптарының күнделікті өмірдегі және кәсіби қызметтегі маңызын түсінуге мүмкіндік берді.

Стандарт — сапаның кепілі, сапа — дамудың негізі!